Manqabat hazrat sayyad jamaluddin khwaja dana shah alaihrahma az qalam subhani habibi

ــــــــــ منقبت شریف ــــــــــ

کہے رہا ہے یہ گدا سید جمال الدین کا
ہو گیا یہ دل مرا سید جمال الدین کا

سب نے یہ مل کر کہا سید جمال الدین کا
ہے نرالا مرتبہ سید جمال الدین کا

با خدا وہ باد شاہو! سے بھی اعلٰی ہو گیا
بن گیا  جو بھی  گدا سید جمال الدین کا

جس کو لینا ہے نبی کی آل کا صدقہ جناب
دے دو بس اس کو پتا سید جمال الدین کا

میری قسمت کا ستارا خوب انچا ہو گیا
جب کرم مجھ پر ہوا سید جمال الدین کا

رحمت و انوار کی ہونے لگی برسات پھر
چھڑ گیا جب تذکرہ سید جمال الدین کا

 شان سے کیوں نہ کہے سبحانی سب سے ہر گھڑی
میں دوانہ ہو گیا سید جمال الدین کا
ـــــــــــــــــــــــــــــــــــــــــــ
از ــــ محمد سبحانی حبیبی بنارسی
ـــــــــــــــــــــــــــــــــــــــــــ

Manqabate hoozur qutbe banaras By qari wasim akram paiham ismaily Urdu Naat lyrics

ــــــ منقبتِ حضور قطبِ بنارس ـــــــ

ابرِ رحمت سے گھرا ہے در شکرتالاب کا
مرحبہ ہے کیا حسیں منظر شکرتالاب کا

خاندانِ حضرتِ فاروقِ اعظم ہے یہاں
اے منافق مت لگا چکر شکرتالاب کا

حضرتِ قطبِ بنارس آپ کے فیضان سے
ذرہ ذرہ   ہو  گیا  گوہر  شکرتالاب کا

آئے ہیں عرس وحیدی میں یہاں جتنے غلام
ذکر ہے ہر ایک کے لب پر شکرتالاب کا

عاشقِ قطبِ بنارس کی یہی ہے التجا
حشر تک چلتا رہے ساغر شکرتالاب کا

فیض سے قطبِ بنارس کے ہوا میں فیضیاب
جل رہا ہے دیپ میرے گھر شکرتالاب کا

مفتئ شہرِ بنارس ہیں یہں جلوہ نما
کیوں نہ ہوگا تذکرہ گھر گھر شکر تالاب کا

 یہ شہنشاہِ مسولی اور رضا کا فیض ہے
جو قصیدہ ہے مرے لب پر شکرتالاب کا

مرحبہ عرسِ وحیدی میں مری شرکت ہوئی
مجھ کو بھی پیہم ملا لنگر شکرتالاب کا

از قلم ــــ قاری وسیم اکرم پیہم اسمٰعیلی بنارسی

Alvida mahe ramza ispeshal nazm

*الوداع  ماہ رمضان اسپیشل نظم*


چھوڑ کر چل دیا ہم سے رخصت ہوا
الوداع   الوداع   ماہ   رمضاں  وداع
تیرے  جانے  کا غم ہم  کو  ہوگا سدا
الوداع   الوداع   ماہ   رمضاں  وداع


تیرے آنے سے ہم کو ملی تھی خوشی
تیرےجانے سےآنکھوں میں ہےاب نمی
توتھا   تسکین   جاں   اور   تھا  دلربا
الوداع   الوداع    ماہ   رمضاں   وداع


نورمیں جس کی ڈوبی تھی ہراک گھڑی
جس کی برکت سےتھی خوشنما زندگی
وہ   مبارک    مہینہ    ہوا     اب    جدا
الوداع    الوداع    ماہ    رمضاں   وداع


ماہ  رحمت  ہے  تو  ماہ  عظمت ہے تو
ماہ  برکت   ہے  تو  ماہ  عزت   ہے  تو
تیری عظمت بیاں ہم  سے کیا  ہو بھلا
الوادع   الوداع    ماہ   رمضاں   وداع


نیکیوں میں اضافہ ہوا  تجھ سے  تھا
اور  بدیوں  پہ  تالا  لگا  تجھ سے تھا
تو  ہی   رہبر   مرا   تو   ہی  تھا رہنما
الوداع   الوداع   ماہ   رمضاں   وداع


سہ نہ پائیں گے  ہم  ہجر کے غم ترے
پھر  سے  آنا کہ  ہم  منتظر  ہیں ترے آفتاب  حزیں کی  بھی ہے  یہ   دعا
الوداع   الوداع   ماہ   رمضاں   وداع



از ـ محمد آفتاب عالم کیموری 

Alvida ay mahe ramza Alvida

الوداع اے ماہِ رمضاں ماہِ اختر الوداع
الوداع اے ماہِ دیں اے ماہِ انور  الوداع

تیرے ہی دم سے تھی روشن محفلِ صبرو رضا
الوداع اے دلبرِ محبوبِ داور الوداع

تیرے جاتے ہی جہاں ہو جاٸے گا ظلمت کدہ
 الوداع اے نور سے معمور منظر الوداع

پھر سے دستک دے رہی ہے بابِ گلشن پر خزاں
الوداع اے موسمِ گل کے پیمبر الوداع

پھر رہا ہونے کو ہے زنداں سے شیطانِ لعیں
الوداع اے رحمتِ حق کے سمندر الوداع

مسجدوں کے صحن میں رقصاں ہیں پھر ویرانیاں
الوداع اے رونقِ محراب و منبر الوداع

 ہورہا ہے ساتھ ہی رخصت ترے حسنِ سخن
الوداع اے روشنیٸِ فکر ِ قیصر الوداع

Alvida Alvida mahe ramza Alvida

الوداع اے ماہِ رمضاں ماہِ اختر الوداع

الوداع اے ماہِ دیں اے ماہِ انور  الوداع

تیرے ہی دم سے تھی روشن محفلِ صبرو رضا 

الوداع اے دلبرِ محبوبِ داور الوداع

تیرے جاتے ہی جہاں ہو جاٸے گا ظلمت کدہ

 الوداع اے نور سے معمور منظر الوداع

پھر سے دستک دے رہی ہے بابِ گلشن پر خزاں

الوداع اے موسمِ گل کے پیمبر الوداع

پھر رہا ہونے کو ہے زنداں سے شیطانِ لعیں

الوداع اے رحمتِ حق کے سمندر الوداع

مسجدوں کے صحن میں رقصاں ہیں پھر ویرانیاں

الوداع اے رونقِ محراب و منبر الوداع

 ہورہا ہے ساتھ ہی رخصت ترے حسنِ سخن

الوداع اے روشنیٸِ فکر ِ قیصر الوداع

New Manqabat hazrate sayyada Fatima by dikash faraz attari نورِ شمسُ الضحیٰ سیّدہ فاطمہ

نورِ شمسُ الضحیٰ سیّدہ فاطمہ
شانِ بدر الدرجیٰ سیّدہ فاطمہ

دلبرِ مصطفیٰ سیّدہ فاطمہ
جانِ مشکل کشا سیّدہ فاطمہ

دخترِ مصطفیٰ سیّدہ فاطمہ
با حیا با صفا سیّدہ فاطمہ

آپ جانِ وفا سیّدہ فاطمہ
آپ کانِ حیا سیّدہ فاطمہ

از پئے مصطفیٰ سیّدہ فاطمہ
غم سے مجھکو بچا سّیدہ فاطمہ

آپ کی زندگی آپ کی بندگی
پاک خو پارسا سیّدہ فاطمہ

کپ کپاتے لبو سے ثنا آپ کی
کر رہا ہے گدا سیّدہ فاطمہ

لفظ ملتے نہیں کیا بیاں میں کروں
آپ سب سے جدا سیّدہ فاطمہ

میری مشکل بڑھی جان پر آ پڑی
ہو کرم فاطمہ سیّدہ فاطمہ

 ہائے غم کا مرے درد بڑھنے لگا
درد کی دو دوا سیّدہ فاطمہ

 ہم غریبوں کا کوئی نہیں آسرا
اک تمہارے سوا سیّدہ فاطمہ

دلکشِ بے نوا تیرے در کا ہوا
ایک ادنیٰ گدا سیّدہ فاطمہ


از قلم دلکش فراز عطاری
پتہ,,26,,شہر,,جاورا,,ضلع,,رتلام,,ایم.پی,,الہند

علی کے لال سے چاہت کا باب روشن ہے

شہزاہءِ رسول اعظم ابنِ علی جگر گوشہء فاطمہ سردار جنت مولا امام حسن مجتبٰی رضی اللہ عنہ کی یومِ ولادت پر پیش کیا گیا نذرانہءِ وفا

علی کے لال سے چاہت کا باب روشن ہے
مرے حسن سے شہادت کا باب روشن ہے

رسول و فاطمہ زہرا، علی، حسین و حسن
انہیں کی دم سے سخاوت کا باب روشن ہے

شفیعِ روزِ  جزا ہیں تمہارے نانا حضور
کہ جنکے دم سے شفاعت کا باب روشن ہے

ہیں والد آپ کے "خیبر شکن علی مولا"
انہیں کے جذبے سے ہمت کا باب روشن ہے

وہی ہیں اُمِ  حسن   دخترِ   شہِ  کوثر
کہ جن سے عصمت و عِفَّت کا باب روشن ہے

قسم خدا کی "حسن" آپ کے گھرانے سے
سخا و لطف و عنایت کا باب روشن ہے

ملیح   ایسا  بنایا   ہے  ان  کو  مولا  نے
رخِ حَسَن سے ملاحت کا باب روشن ہے

حسن، حسین  کے  مابین  پیار  تھا  اتنا
کہ ان سے اب بھی اخوت کا باب روشن ہے

جہاں کی عظمتیں قرباں تمہارے قدموں پر
تمہارے نام سے عظمت کا باب روشن ہے

تُو صبر و شکر کا پیکر حیا کا آئینہ
تری ضیاء سے شریعت کا باب روشن ہے

ہو بلگرام کہ مارہرہ، کالپی، ہر سو
رسول پاک کی عترت کا باب روشن ہے

جنابِ غوث ہیں شہزادہءِ حسین و حسن
ریاض جن سے کرامت کا باب روشن ہے

ریاض احمد برکاتی