Kalame raza by ehshan shakeer bahot hi umda naate pak

Gunji Sada Jo Allah hu Akbar zamin par new naat by Faiz raza Banarasi

Manqabate hoozur shere Banaras by Noorani Habibi Naat lyrics Naat Bank Urdu Naat lyrics

منقبتِ حضور قطبِ بنارس

ہر اک لب پر ترانہ ہے میرے قطبِ بنارس کا
گدا سارا زمانا ہے میرے قطبِ بنارس کا

 وہاں ہر وقت ہوتی رہتی ہے برسات رحمت کی
جہاں پر آستانہ ہے میرے قطبِ بنارس کا

 بظاہر ہند میں رہتے ہیں وہ لیکن جہاں والو!
مدینے میں ٹھکانا ہے میرے قطبِ بنارس کا

 کرم قطبِ بنارس ہو کرم قطبِ بنارس ہو
یہی کہتا دوانہ ہے میرے قطبِ بنارس کا


 کھلے ہیں پھول بن کے جن کے آنگن میں معین الدین
وہ نورانی گھرانہ ہے میرے قطبِ بنارس کا

بقلم ـــ محمد نورانی حبیبی ــــ

Noorani Habibi Naat lyrics Naat Bank Urdu Naat lyrics Subhani Habibi Naat lyrics

نعت شریف 

ــــــــــــــــــــــــــــــــــــــــــــــــــــــــــــــ

مدینے میں ہے ان کی تربت نرالی

ہے جن کی جہاں میں حکومت نرالی

اگر کوئ پوچھے تو کہ دینا اس سے

حبیبِ خدا کی ہے عظمت نرالی

خدا کی قسم رحمتِ دو جہاں کی 

ہے سارے زمانے پہ رحمت نرالی

 جسے موت آئ ہے شہرِ نبی میں

ملی اس کی قسمت کو قسمت نرالی

بہت ہی نرالا ہے روضے کا گنبد 

ہے روضے کی جالی نہایت نرالی

مچل جاؤ گے دیکھتے ہی لحد میں

اے نورانی آقا کی صورت نرالی

بقلم ــــ محمد نورانی حبیبی ـــــــــــــــ

Urdu Naat lyrics by Hafiz shahid ashrafi Banarasi Subhani Habibi Naat lyrics Naat Bank

خلق کی بے نور آنکھوں کو فروزاں کر دیا
آپ کے جلووں نے عالم میں چراغاں کردیا


اختیار مصطفے کی یہ بھی ہے واضح دلیل
آپ نے چاہا جسے جنت بداماں کردیا


مصطفے نے کفر و باطل کی مٹاکر تیرگی
حق بجانب حق ہے کیا سب پر نمایاں کر دیا


وقت کے سارے مسیحا دنگ ہیں یہ دیکھ کر
مصطفے نے درد بے درماں کا درماں کر دیا


آپ کی اے داعٸ اسلام دعوت کو سلام
آپ نے تو پتھروں کو بھی مسلماں کر دیا


اس طرف ہونے لگا پیہم بہاروں کا نزول
جس طرف آقا نے اپنا حسن خنداں کر دیا


بخش کر مجھ بے نوا کو نعت گوٸی کا شعور
حق نے میری روح کی تسکیں کا ساماں کردیا

حافظ   اشرفی

Karam zami ke liye fazl hai zama ke liye new naat lyrics by Hafiz shahid ashrafi Banarasi naat lyrics Subhani Habibi Naat Bank urdu naat lyrics

کرم زمیں کے لٸے فضل ہیں زماں کے لٸے
مرے حضور تو رحمت ہیں دوجہاں کے لٸے


ملاٸکہ سے کہو راہ میں درود پڑھیں
نکل چکے ہیں شہ بطحا لامکاں کے لٸے


زمیں پہ اب بھی بہت جاں لٹانے والے ہیں
شہ امم کی فضیلت کے آسماں کے لٸے

بروز حشر سرو پر جب آٸگا سورج
حضور ہی کو پکارینگے سب اماں کے لٸے

کہ جو محافظ ناموس سرور دیں ہیں
ہم اپنی بھی دے دینگے انکی جاں کے لٸے

خرد کے ساتھ جنوں بھی بہت ضروری ہے
نبی کے عشق کے دریاۓ بیکراں کے لٸے

وہاں پہ شاہ و گدا کی کوٸی نہیں تخصیص
در حبیب تو حافظ ہے این و آں کے لٸے


حافظ  اشرفی

Urdu Naat lyrics azmate sarkar par Marta hai dil by Hafiz shahid ashrafi naat lyrics naat bank Subhani Habibi

٧٨٦
  ٩٢

عظمت سرکار پر مرتا ہے دل
مومنوں کا اسلٸے زندہ ہے دل


میں کھڑا ہوں انکے درپر باادب
ہونٹ تو چپ ہیں مگر گویا ہے دل


سہتے سہتے دورٸ طیبہ کا غم
ٹکڑے ٹکڑے اب ہوا جاتا ہے دل


نسبت ماہ مدینہ     ہے     اگر
چاند سے بھی بڑھ کے رخشندہ ہے دل


مصطفے خیرالوری کے نام  پر
جان دینے پر بھی آمادہ ہے دل


دشمن جاں کو بھی دیتے ہیں اماں
مرحبا کتنا بڑا انکا ہے   دل


کیوں تجھے سرکار سے الفت نہیں
کیا ترے سینے میں پتھر کا ہے دل






حافظ اشرفی

Mankabat hazrate awaise qarni by amir hamza nizami Naat Bank lyrics Subhani Habibi

دل یہی کہتا ہے ہر بار اویس قرنی
آپ ہیں عاشقِ  سرکار اویسِ قرنی

عشق سرکار کی طلعت سے جہاں میں واللہ
دل    تمہارا    تھا   ضیابار    اویس   قرنی

اب دکھا دیجیئے اک بار ہمیں روئے حسیں
دید  کے   ہم     ہیں  طلبگار   اویس   قرنی

اہلِ محفل کو دوا کی نہیں حاجت ، سارے
ہیں  ترے   عشق  میں   بیمار  اویس قرنی

جنگ کا کرتا ہوں اعلان میں ان لوگوں سے
جو   یہاں  تیرے   ہیں  غدّار   اویسِ  قرنی

ان  پہ فیضان‌ نبی آج بھی ہے جلوہ فگن
جو  بھی تیرے  ہیں  وفادار  اویس قرنی

یہ حقیقت ہے نظامی کی زبانی سنئے
آپ کے کرتے  ہیں اذکار  اویس قرنی

از قلم ۔۔۔۔ امیر حمزہ نظامی رانچوی