عقیدت میں یہ کہتا ہے دوانہ رحمت عالم
ہے شیدائی ترا سارا زمانہ رحمت عالم
تمنا ہے ستائے گی ہمیں جب گرمئِ محشر
خدارا اپنے دامن میں چھپانا رحمت عالم
یہی ہے مشغلہ میرا ہمیشہ دہر میں تیرا
مرے لب پر رہے جاری ترانہ رحمت عالم
خدائے پاک نے جلوہ دکھایا ہے تمھیں بیشک
تمھارا عرش پر ہے آنا جانا رحمت عالم
گنہگارانِ امت آپ کی کہتے ہیں رو رو کر
عذابِ نار سے ہم کو بچانا رحمت عالم
تمھارے عشق میں پڑھ کر درود پاک سوتا ہوں
مجھے بھی خواب میں جلوہ دکھانا رحمتِ عالم
نظامی ہو کے یکجا کہہ رہے ہیں ان کے دیوانے
ہمارے گھر میں بھی تشریف لانا رحمت عالم
ازقلم ـــ محمد امیر حمزہ نظامی رانچوی
No comments:
Post a Comment