اے آمنہ کے لخت جگر شاہِ مدینہ
دے میری دعاؤں کو ظفر شاہِ مدینہ
فرقت میں رہے دیدہ ئے تر شاہِ مدینہ
ہو مجھکو عطا سوزِ جگر شاہِ مدینہ
دن رات مدینے کی میں کرتا ہوں دعائیں
ہو میری دعاؤں میں اثر شاہِ مدینہ
کس حال میں دیوانے ہیں سب ان کو پتہ ہے
رکھتے ہیں دو عالم کی خبر شاہِ مدینہ
رخسار تو رخسار ہیں تلوؤں کو تمہارے
حیرت میں پڑا دیکھے قمر شاہِ مدینہ
ہوجاٸے فنا آن میں واللہ مصیبت
فرمائیں اگر آپ نظر شاہ مدینہ
رکھتے ہیں تمنا یہ مدینے کے دوانے
ہو جائے مدینے کا سفر شاہِ مدینہ
تعریف تری کرتے ہوئے روح بدن سے
قدموں میں ہو سر جائے گزر شاہِ مدینہ
قربان میں قدرت پہ تمہاری کہ تمہارے
چلتا ہے اشاروں پہ قمر شاہِ مدینہ
دلکش کی تمنا ہے یہ سلطانِ زمانہ
ہو عمر ترے در پہ بسر شاہِ مدینہ
از قلم دلکش فراز عطاری
پتہ 26,,جاورا,,ضلع,,رتلام,,ایم,,پی,,انڈیا
نمبر 7489396907
No comments:
Post a Comment