کیجیے چشمِ عنایت مصطفےٰ یا مصطفےٰ
ہے فقط اتنی تمنا موت کا جب وقت ہو
دیکھ لوں میں تیری صورت مصطفےٰ یا مصطفےٰ
بھیجتا ہے رب اکبر اس پہ لعنت ہر گھڑی
جو کرے تجھ سے بغاوت مصطفےٰ یا مصطفےٰ
روز محشر بخش دے گا داور محشر اسے
جس میں ہوگی تیری الفت مصطفےٰ یا مصطفےٰ
انبیـاء تشریف جتنے لائے ان میں ہے فقط
آپ کو حاصل فضیلت مصطفےٰ یا مصطفےٰ
کیجیے امداد اب دنیا میں ہر سو دیکھیے
ہے پریشاں ساری امت مصطفےٰ یا مصطفےٰ
حضرت صدیق و فاروق اور عثمان و علی
سب نے کی تجھ سےمحبت مصطفے یا مصطفےٰ
روز محشر ہم گنہگاروں کی ہے خواہش یہی
آپ فرمانا شفاعت مصطفےٰ یا مصطفےٰ
دہر میں شجر و حجر ہوں یا کہ ہوں جن و بشر
آپ ہیں سب کی ضرورت مصطفٰے یا مصطفٰے
حاسیدیں بڑھنے لگے ہیں دہر میں میرے شہا
ان سے فرمانا حفاظت مصطفے یا مصطفےٰ
بھوکے خود رہتے مگر سب کو کھلاتے،آپ کی
سب سے اعلیٰ ہے قناعت مصطفےٰ یا مصطفےٰ
رب کا یہ فرمان ہے محشر میں بخشوں گا اسے
جس میں ہوگی تیری الفت مصطفےٰ یا مصطفےٰ
جو کہےمجھ کو برا اسکی بھی میں عزت کروں
بخش دیجے اتنی قوت مصطفےٰ یا مصطفےٰ
بخش دیں توفیق مجھ کو میں ادا کرتا رہوں
آپ کی ہر پیاری سنت مصطفےٰ یا مصطفےٰ
نعت لکھ لکھ کر زمانے میں نظامی کو ملی
آپ ہی کے دم سے شہرت مصطفےٰ یا مصطفےٰ
ازقلم ـــــــــــــــــــــــــــــــــــــــــــــــــــــــ
امیر حنزہ نظامی رانچوی (جھارکھنڈ)
Contact no...8084633639
No comments:
Post a Comment