بخت خفتہ کو یوں دنیا میں جگائے رکھنا لب درودوں سے ہمہ وقت سجائے رکھنا

بخت   خفتہ   کو   یوں   دنیا   میں   جگائے   رکھنا
لب    درودوں    سے    ہمہ  وقت  سجائے  رکھنا

عشقِ سرکار   دو   عالم   میں   سدا   صبح   و    مسا
نعتِ     سرکار    ہی    ہونٹوں   پہ  سجائے   رکھنا

میں   تو    شیدائی     ہوں   سرکار   تمہارا    یونہی
عمر     بھر    بس   مجھے    اپنا   ہی   بنائے    رکھنا

ان    کے    دیدار  کی خواہش ہے اگر  دنیا  میں
شاہ  کونین    کا     گھر    دل    کو    بنائے    رکھنا

پنجتن   پاک   کے   صدقے    میں    ہمیشہ   مولا
مرے   ماں   باپ  کو   ہر غم سے  بچائے  رکھنا

گر  ہے   خواہش  کہ مقدر   بھی   ترا روشن  ہو
لو    مدینے    کی     تجلی     سے     لگائے     رکھنا

ان  کے  دیدار  کی  خواہش  ہے  اگر  دنیا   میں
شاہ   کونین    کا     گھر    دل   کو    بنائے    رکھنا

 گھر    پہ  تشریف  وہ    لائیں گے تمہارے  پہلے
راہ    پہ    تم  بھی    سدا    پلکیں   بچھائے   رکھنا

جن کے صدقےمیں بنے دونو جہاں ان کےلیے
پھول  الفت   کے   سدا  دل میں  کھلائے  رکھنا

در   پہ   سرکار   بلائیں    گے    یقیناً    اک   دن
دل   مدینے   کی   طرف  تم  بھی  جھکائے   رکھنا

ہے    دعا   تجھ   سے   مرے مولا نظامؔی کو  سدا
عمر     بھر     اپنا     ہی     دیوانہ     بنائے    رکھنا