شہنشـــاہ پیمبــر کی ہدایت بھول بیٹھے ہیں بڑے ناداں ہیں ماضی کی روایت بھول بیٹھے ہی

*شہنشـــاہ   پیمبــر   کی   ہدایت بھول  بیٹھے   ہیں*
*بڑے  ناداں  ہیں ماضی کی روایت بھول بیٹھے ہیں*

*جو  امت  کے  لیے دنیا میں روتے تھے ہر  اک  لمحہ*
*یہ  کیسے لوگ  ہیں، ان کی محبت بھول بیٹھے ہیں*

*جو  ان  کے عاشق  صادق ہیں کہتے ہیں زمانے میں*
*نبی کے عشق میں ہم ساری خلقت بھول بیٹھے ہیں*

*جنہیں  حاصل ہے  مختارے دوعالم کی غلامی  وہ*
*حقیقت  میں  جہاں کی بادشاہت بھول بیٹھے ہیں*

*جو  اپنے  باپ  ماں کی  دہر میں خدمت نہیں کرتے*
*یہی  کہتا   ہے  دل میرا  وہ جنت بھول بیٹھے  ہیں*

*بڑے  بد  بخت  ہیں  گستاخ  ہیں وہ لوگ دنیا میں*
*حسین  ابن  علی کی جو شہادت بھول بیٹھے  ہیں*

*انہیں  حاصل  نظامی  کامیابی کیوں ہو  دنیا  میں*
*شہنشاہ  دو  عالم  کی  جو  سنت بھول بیٹھے ہیں*

ازقلم ــــــــــــــــــ
امیر حمزہ نظامی رانچوی