*پرور دگار دل کی ہے حسرت نصیب ہو*
*سرکار دو جہان کی قربت نصیب ہو*
*کرتے ہیں آج تجھ سے دعا اے مرے خدا*
*مرنے کے بعد ہم کو بھی جنت نصیب ہو*
*جاکر وہیں نماز ادا میں کروں ، مجھے*
*پھر سے درِ نبی پہ عبادت نصیب ہو*
*جب تک رہوں زمانے میں مولا مجھے یونہی*
*ہر لمحہ مصطفےٰ کی اطاعت نصیب ہو*
*جن کے بھی والدین ہیں زندہ مرے خدا*
*ان سب کو والدین کی خدمت نصیب ہو*
*عشاق کے ہے دل کی یہ حسرت جہان میں*
*اللہ کے رســول کی مدحت نصیب ہو*
*مولا گناہ گار کی بس آرزو ہے یہ*
*محشر میں مصطفےٰ کی شفاعت نصیب ہو*
*آئے جو موت مولا ، نظامی کو اس گھڑی*
*رخسار مصطفےٰ کی زیارت نصیب ہو*
ازقلم ــــــــــــــــــــــــــــــــــــــــــــــــــــــــــــــــ
*محمد امیر حمزہ نظامی رانچوی جھارکھنڈ*
No comments:
Post a Comment