عـقیدت میں یہ کہتا ہے دیوانہ یا شہِ بغداد

*🌹=====بسم اللہ الرحمٰن الرحیم=====🌹*


*عـقیدت  میں  یہ کہتا  ہے  دیوانہ یا شہِ بغداد*
*فــدائی   ہے   ترا   سـارا   زمـانہ  یا  شہِ بغداد*

*مقدر  سے  کبھی  جلوہ  تمہارا  دیکھ لوں  آقا*
*مرے خوابوں میں تم تشریف لانا یا شہِ بغداد*

*پریشانی   میں  ڈالا  ہے  غم  و آلام نے مجھکو*
*انہیـں  بـہر   خـدا   فوراً   مٹانا   یا  شہِ بغداد*

*کـرامت  آپ کی  مشہور   ہے  یہ بزمِ  دنیا میں*
*عطائے  رب  سے  مردوں کو جِلانا یا شہِ بغداد*

*بڑے  شفقت سے پالا ہے مجھے ماں باپ نے آقا*
*انہیں  آفات  سے   ہر  دم  بچــانا  یا شہِ بغداد*

*شفاعت  ہو نبی کی کاش تاکہ فضل  مولا سے*
*ہـمـارا  بھی   بنے   جنت   ٹھکانہ  یا شہِ بغداد*

*تمنــا  ہے   نظامی  کی  تـرے  عشاق  کو ہر پل*
*سنائے  عشق   میں   تیرا  تـرانہ  یا  شہِ بغداد*

*رضی اللہ تعالیٰ عنہ*

ازقلم ـــــــــــ *امیر حمزہ نظامی رانچوی*