urdu naat lyrics by amir hamza nizami

دنیا   میں   ان کا   شیدا   یہ   کہتا   ہے آج بھی
ڈنـکا   رضا   کے   نام   کا    بجتا   ہے   آج  بھی

نــورِ   خدا   کا    پایا    ہے   صدقہ  جہان   میں
ان   کے  طفیل   چاند    چمکتا    ہے   آج   بھی

بــازار    سنیت    پـہ   طفیلِ     رســــولِ   حق
سکہ   مرے    رضا    کا   کھنکتا   ہے   آج   بھی

سیــراب   عاشقــانِ  نبی  کیوں نہ ہوں گے جب
*جـاری   رضا  کے  فیض  کا  دریا  ہے آج  بھی*

سارے چراغ کیوں نہ ہوں گل حاسدیں کے جب
روشن   رضا   کا   نقش   کفِ   پا   ہے آج  بھی

کلک   رضـا    کی   مار    پڑی   تھی  اسی  لیے
نجدی   رضا   کے   نام   سے  ڈرتا  ہے  آج  بھی

کتنی   حسین   بزم    ہے    یہ   *فــنِِّ   شــاعری*
اس  کا  مدیر   ہم   کو   سکھاتا   ہے   آج  بھی

بنتِ    نبی  کے  نام    کے    صدقے  جہـان  میں
شــاداب    دیکھو  *گلشنِ  زہـــرا*  ہے  آج   بھی

ناموس   مصطفےٰ   کی  حفاظت  میں ہر  طرف
احمد   رضـا   کی   فکر   کا   پہرا   ہے  آج  بھی

احمـد   رضا    کا   صدقہ   *نظامی*   کو مل  گیا
اس   واسطے    یہ  شــاعـری   کرتا   ہے آج بھی

*ازقلم ـــــــــــ محمد امیر حمزہ نظآمی رانچوی*
      *(جھارکھنڈ-------- 8084633639)*