شہـرِ نبی کی آب و ہوا کچھ نہ پوچھئے shahre nabi in aabo hawa kuch na puchhiye

*شہـرِ نبی  کی آب  و  ہوا کچھ نہ پوچھئے*
*امراض سے ہے دیتی شفا کچھ نہ پوچھئے*

*بھرتے ہیں ہم غلاموں کی اک پل میں جھولیاں*
*آقائے  دو  جہاں  کی  عطا   کچھ  نہ پوچھئے*

*جس  پـل  ہوئی  تھی  دید   دیار حبیب  رب*
*اس پل مجھے تھا کیسا لگا کچھ نہ پوچھئے*

*قطرہ جو مانگا میں نے  تو  دریا  عطا کیا*
*کیا کیا در نبی  سے  ملا  کچھ نہ پوچھئے*

*جس  پر  تھا   ناز  خود  مرے  اللہ  کو  بھلا*
*کیسی تھی فاطمہ کی حیا کچھ نہ پوچھئے*

*جس  نے  کیا  ہے  دل  سے شہنشاہ ہو گیا*
*سلطان دو جہاں سے وفا کچھ نہ پوچھئے*

*اخلاق  جن  کا  دیکھ  مسلماں ہوں غیر بھی*
*کیسی تھی اس نبی کی ادا کچھ نہ پوچھئے*

*زخمی تھے پھر بھی مولا علی نے پڑھی نماز*
*کیسے   ہوئی   نماز  ادا  کچھ   نہ  پوچھئے*

*ہر  عاشق  نبی  یہ  کہے  گا  بروز حشر*
*اللہ بخش دیجے خطا کچھ نہ پوچھئے*

*ابن علی نے سر ہے کٹا پھر بھی عشق میں*
*نیزے پہ قرآں کیسے پڑھا کچھ نہ پوچھئے*

*انگلی سے چشمہ جاری کیا ہے تو کس طرح*
*واپس ہے  شمس کیسے ہوا کچھ نہ پوچھئے*

*ماں باپ نے نظامی کو شفقت سے دہر میں*
*پــالا  ہے  کیسے  بہر  خدا  کچھ نہ پوچھئے*