زندگی میری نہیں ہے یہ کسی کے واسطے zindagi mer nahi hai kisike waste new kalam aamir hamza nizami

*زندگی   میری   نہیں   ہے   یہ  کسی کے واسطے*
*ہے   فقط   یہ  زندگی   پیارے   نبی  کے واسطے*

*مل  گئی تسکین   مجھ    کو  آمـــد   سرکار  سے*
*زندگی بے چین تھی کب سے خوشی کے  واسطے*

*کیوں  بھلا ہم نہ کریں مدح و ثنا  آقا کی جب*
*آئے  ہیں  بزمِ  جہاں  میں  ہم  انہی کے  واسطے*

*روز     محشر    بخشوانے    کے   لئے     اللہ   سے*
*آئیں   گے    سرکار    اپنے   امتی   کے   واسطے*

*یا   خـدا   ہے   التجا  توفیق   ہم   کو بخش دے*
*جائیں  ہم   شہرِ  مدینہ  حاضری    کے   واسطے*

*دشمنِ   سرکار    کے   ہے   واسطے  دوزخ   بنی*
*خلد  تو   بیشک  ہے   سنی  جنتی  کے  واسطے*

*کون   یہ کہتا   ہے پانی   کے  لئے ہیں  ترسے  وہ*
*پانی  خود   ترسا  حسین  ابن علی کے واسطے*

*جن کے  قدمِ  ناز  ولیوں کے سروں پر  ہے  رکھا*
*یا خدا   آباد    رکھ   اس   قادری  کے   واسطے*

*حکم   پانی   کو   ملا جب  خواجئہ اجمیر   کا*
*دوڑ    کر  آیا   ہے  پانی   سنجری کے   واسطے*

*راستہ حق کا   بھٹک سکتے نہیں ہیں ہم  کبھی*
*ہیں  مرے   احمد  رضا  جب  رہبری کے  واسطے*

*پیرِ    کامل    ہیں    نظامی    نائبِ  احمد   رضا*
*جان   بھی   قربان   ہے   یہ  ازہری کے  واسطے*