Hadaiq e Baqshish Talab Ka Munh To Kis Qaalib Hai Ya Ghaus

Talab Ka Munh To Kis Qaalib Hai Ya Ghaus
Magar Tera Karam Kaamil Hai Ya Ghaus

Duhaayi Ya Muhiyuddeen Duhaayi
Balaa islam Par Naazil Hai Ya Ghaus

Woh Sangeen Bid'ate Woh Teziye Kufr
Ki Sar Par Taig Dil Par Sil Hai Ya Ghaus

Azooman Qaatilan Indal- Qitaali
Madad Ko Aa Dame Bismil Hai Ya Ghaus

Khudara Nakhuda Aa De Sahaara
Hawa Bigdi Bhanwar Haail Hai Ya Ghaus

Jilaa De Din Jalaa De Kufro ilhaad
Ki Tu Muhyee Hai Tu Qaatil Hai Ya Ghaus

Tera Waqt Aur Pade Yoon Deen Par Waqt
Na Tu Aajiz Na Tu Ghaafil Hai Ya Ghaus

Rahi Haan Shaamate Aa'maal Yeh Bhi
Jo Tu Chahe Abhi Zaail Hai Ya Ghaus

Ghayoora! Apni Ghairat Ka Tasadduq
Wohi Kar Jo Tere Qaabil Hai Ya Ghaus

Khudara Marhame Khaake Qadam De
Jigar Zakhmi Hai Dil Ghaail Hai Ya Ghaus

Na Dekhoon Shakle Mushkil Tere Sage
Koi Mushkil Si Yeh Mushkil Hai Ya Ghaus

Woh Ghera Rishtaye Shirke Khafi Ne
Fansa Zunnaar Mein Yeh Dil Hai Ya Ghaus

Kiye Tarsa Wa Gabr Aqtaabo Abdaal
Yeh Mehez islaam Ka Saail Hai Ya Ghaus

Tu Quwwat De Main Tanha Kaam Bisyaar
Badan Kamzor Dil Kaahil Hai Ya Ghaus

Adoo Bad-Deen Mazhab Waale Haasid
Tu Hi Tanha Ka Zore Dil Hai Ya Ghaus

Hasad Se inke Seene Paak Kar De
Ki Badtar Diq Se Bhi Yeh Sil Hai Ya Ghaus

Ghizaaye Diq Yehi Khoon Ustukhaan Gosht
Ye Aatish Deen Ki Aakil Hai Ya Ghaus

Diya Mujh Ko Unhen Mahroom Chchoda
Mera kya Jurm Haq Faasil Hai Ya Ghaus

Khuda Se Len Ladaayi Woh Hai Mu'tee
Nabi Qaasim Hai Tu Moosil Hai Ya Ghaus

Ataaye Muqtadir Gaffaar Ki Hain
Abas Bandon Ke Dil Mein Gil Hai Ya Ghaus

Tere Baba ka Phir Tera Karam Hai
Yeh Munh Warna Kisi Qaabil Hai Ya Ghaus

Bharan Waale Tera Jhaala To Jhaala
Tera Cheenta Mera Ghaasil Hai Ya Ghaus

Sana Maqsood Hai Arze Garaz Kya
Garaz Ka Aap tu Kaafil Hai Ya Ghaus

RAZA Ka Khaatima Bil Khair Hoga
Teri Tehmat Agar Shaamil Hai Ya Ghaus

♡ Taj Daare Khatme Nabuwwat Zindabad♡
♡ Ghous o Khawaja Ke Karam Se ♡
♡ Faizane Raza Jari Rahega ♡
♡ Maslake Aalahazrat Zindabad ♡