*پیــام حق کا جہاں کو سنا گئے آقا*
*سبھی کو جــام محبت پلا گئے آقا*
*تھے آئے دشمنِ اسـلام ان کے در پر جو*
*انہیں بھی سینے سے اپنے لگا گئے آقا*
*کہـا بلال نے بے ساختہ یہ خوش ہو کر*
*مجھے بھی اپنا دِوانــہ بنا گئے آقا*
*پڑھـا کے کلمئـہِ طیب سکھا کے قرآں کو*
*رہِ نجات جہــاں کو دکھا گئے آقا*
*مدینے پاک میں اصحاب ان کے تھے جتنے*
*انہیـں بشــارتِ جنت سنــا گئے آقا*
*پلا کے جامِ محبت جہاں میں اے لوگوں*
*ہـر ایک روتے ہوئے کو ہنسا گئے آقا*
*نظامی حشر میں عشاق یہ کہیں گے سبھی*
*ہمیــں بچــانے جہنــم سے آ گئے آقا*
ازقلم ــــــــــــــــــــــــــــــــــــــــــــــــــــــ
*امیر حمزہ نظامی رانچوی جھارکھنڈ*
No comments:
Post a Comment