Shahe kaonen ki ulfat me

*شہِ  کونین   کی  الفت    میں  اتراتا  ہے  میرا   دل*
*ہے  کیا عشق  نبی  مجھ  کو یہ بتلاتا  ہے  میرا دل*

*زیارت  کی  تمنا   جس  گھڑی  ہوتی ہے  طیبہ  کی*
*نظر  کو   دید  کے   آداب   سمجھاتا  ہے  میرا  دل*

*غمِ  فرقت میں کیوں روتا ہے تو بتلا ذرا مجھ کو*
*مدینے  چل، یہ  کہہ کے مجھ کو تڑپاتا ہے میرا دل*

*خدا  کے فضل سے سرشار  ہو کر عشق احمد  میں*
*ہمیشـہ   نغمئہِ   صلے    علیٰ   گاتا   ہے   میرا   دل*

*بلال   مصطفےٰ   بولے   جدائی   سہہ نہ  پاؤں  گا*
*غم    آقا  میں  ہر   دم   اشک  برساتا  ہے میرا دل*

*کہیں  جب  تذکرہ  سنتا  ہوں  سرکار  دو  عالم کا*
*تو  ان کے عشق  میں  سرشار  ہو جاتا ہے میرا دل*

*شـہِ  دیں  پھر  بلائیں  گے نظامی اپنے  روضے پر*
*یہی  کہہ  کر  مجھے  ہر  لمحہ  بہلاتا  ہے میرا دل*

ازقلم ــــــــــ
*امیر حمزہ نظامی رانچوی (جھارکھنڈ)*