میلاد مصطفےٰ کی محفل سجا رہے ہیں

========= نعت شریف ==========
میلاد  مصطفےٰ   کی  محفل  سجا  رہے ہیں
نعت   رسول   اکرم    ہم   گنگنا   رہے  ہیں

خوشیاں مناؤ مل کر اے مومنو جہاں میں
ہم سب  کے  پیارے  آقا  تشریف لا رہے ہیں

ہم   بیکسوں   کے  والی  آقا  ہیں  آنے  والے
عشاق   مصطفےٰ    یہ   نعرہ   لگا  رہے  ہیں

اب  تشنہ  لب  وہ  کیسے  ہونگے  بھلا  بتاؤ
الفت  کے   جام   جن   کو آقا  پلا  رہے  ہیں

بے خوف رنج و غم سے وہ لوگ ہو گئے جو
آل  نبی  کی الفت   دل  میں   بسا رہے  ہیں

در  پر  بلا رہے ہیں  ان کو  رسول اعظمﷺ
جو  عشق  مصطفےٰ  میں  آنسو بہا رہے ہیں

نعمت  نظامی رب کی ان کو ملے گی بیشک
جو  پاؤں  باپ  ماں کے دل سے دبا رہے ہیں

ازقلم ـــــــــ
امیر حمزہ نظامی رانچوی جھارکھنڈ