rok paynge na ham ko ye zamane wale urdu naat lyrics

*روک  پائیں  گے  نہ  ہم  کو یہ زمانے والے*
*ہم تو سرکار کی محفل ہیں  سجانے والے*

*بھوکے رہ کر بھی زمانے کو کھلانے والے*
*ایسے ہوتے  ہیں شہِ دیں کے گھرانے والے*

*کیا  سمجھ  پائے گا نجدی  تو نبی کا رتبہ*
*وہ تو کنکر سے بھی کلمہ ہیں پڑھانے والے*

*تشنہ لب ہوں گے جو محشر میں دِوانے ان کو*
*جــامِ   کوثــر   ہیں   مرے   آقــا   پلانے  والے*

*فضل مولا سے یقیناً ہیں شہ کون و مکاں*
*چاند  کو  توڑنے  اور  شمس پھرانے والے*

*وہ ہیں سردار جناں سبط پیمبر لوگوں*
*چڑھ کے نیزے  پہ ہیں قرآن سنانے والے*

*پھول  ہیں  گلشن  زہرا  کے  وہ  شاہِ جیلاں*
*صرف ٹھوکر سے ہیں مردوں کو جلانے والے*

*خواجئہِ  ہند  وہ  سرکار دو عالم کی عطا*
*ایک کانسے میں ہیں ساغر کو سمانے والے*

*اہل سنت کے وہ سرتاج ہیں اعلٰی حضرت*
*پرفتـن   دور   میں   ایمان   بچــانے  والے*

*فضل مولیٰ سے ہیں وہ تاج شریعت لوگوں*
*پیرِ  کــامل   ہیں  مــِری   لاج   بچانے والے*

*منتظر  ان   کے  جہنم  ہے  نظامی بیشک*
*جو ہیں ماں باپ کو دنیا میں ستانے والے*

ازقلم ـــــــــــــــــــــــــــــــــــ
*امیر  حمزہ نظامی رانچوی*